ਵੋਟ ਪਾਉਣਾ ਸਾਡਾ ਅਧਿਕਾਰ ਹੈ,
ਪਰ ਇਹ ਸਾਡਾ ਫਰਜ਼ ਵੀ ਹੈ

ਫ਼ੈਡਰਲ ਸੰਸਦ ਨੂੰ ਦੋ ਸਦਨਾਂ ਵਿੱਚ ਵੰਡਿਆ ਗਿਆ ਹੈ - House of Representatives (ਪ੍ਰਤੀਨਿਧੀ ਸਭਾ) ਅਤੇ Senate (ਸੈਨੇਟ)।

ਕਾਨੂੰਨ ਬਣਾਉਣ ਲਈ, ਇਸ ਨੂੰ ਦੋਵਾਂ ਸਦਨਾਂ ਦੀ ਮਨਜ਼ੂਰੀ ਚਾਹੀਦੀ ਹੁੰਦੀ ਹੈ।

ਫ਼ੈਡਰਲ ਸਰਕਾਰ ਦੀਆਂ ਜ਼ਿੰਮੇਵਾਰੀਆਂ ਵਿੱਚ ਸ਼ਾਮਲ ਹਨ: ਇਮੀਗ੍ਰੇਸ਼ਨ, ਜ਼ਿਆਦਾਤਰ ਸਮਾਜਿਕ ਸੇਵਾਵਾਂ, ਪੈਨਸ਼ਨ, ਰੱਖਿਆ, ਵਿਦੇਸ਼ੀ ਮਾਮਲੇ ਅਤੇ ਵਪਾਰ। ਫ਼ੈਡਰਲ ਸਰਕਾਰ ਸਿਹਤ, ਸਿੱਖਿਆ, ਵਾਤਾਵਰਣ ਸੰਬੰਧੀ ਮੁੱਦਿਆਂ ਅਤੇ ਉਦਯੋਗਿਕ ਸੰਬੰਧਾਂ ਵਿੱਚ ਵੀ ਵਿੱਚ ਵੀ ਸ਼ਾਮਲ ਹੁੰਦੀ ਹੈ|

ਜ਼ਿਆਦਾਤਰ ਪ੍ਰਾਂਤਾਂ ਦੀਆਂ ਸੰਸਦਾਂ ਨੂੰ ਫ਼ੈਡਰਲ ਸੰਸਦ ਵਾਂਗ ਹੀ ਹੇਠਲੇ ਅਤੇ ਉੱਪਰਲੇ ਸਦਨ ਵਿੱਚ ਵੰਡਿਆ ਜਾਂਦਾ ਹੈ। ਹਾਲਾਂਕਿ, ਕੁਈਨਜ਼ਲੈਂਡ, ਆਸਟ੍ਰੇਲੀਅਨ ਕੈਪੀਟਲ ਟੈਰੀਟਰੀ ਅਤੇ ਨੌਰਦਰਨ ਟੈਰੀਟਰੀ ਇੱਕ-ਸਦਨੀ ਹਨ, ਜਿਸਦਾ ਭਾਵ ਹੈ ਕਿ ਉਨ੍ਹਾਂ ਦਾ ਕੇਵਲ ਇੱਕ ਹੀ ਸਦਨ ਹੈ, Legislative Assembly (ਵਿਧਾਨ ਸਭਾ)।

ਪ੍ਰਾਂਤ ਦੇ ਮੁੱਦਿਆਂ ਨਾਲ ਸੰਬੰਧਿਤ ਕਾਨੂੰਨ ਬਣਾਉਣ ਲਈ, ਉਸ ਕਾਨੂੰਨ ਨੂੰ ਦੋਵਾਂ ਸਦਨਾਂ ਵਿੱਚੋਂ ਪਾਸ ਕਰਵਾਉਣ ਦੀ ਲੋੜ ਹੈ। ਜਾਂ ਇਕ-ਸਦਨੀ ਸੰਸਦਾਂ ਵਿਚ, ਕਾਨੂੰਨਾਂ ਨੂੰ ਇਕ ਸਦਨ ਵਿਚੋਂ ਪਾਸ ਕਰਨ ਦੀ ਲੋੜ ਹੁੰਦੀ ਹੈ।

ਪ੍ਰਾਂਤ ਅਤੇ ਟੈਰੀਟਰੀ ਦੀਆਂ ਜ਼ਿੰਮੇਵਾਰੀਆਂ ਵਿੱਚ ਸ਼ਾਮਲ ਹਨ: ਸਕੂਲ, ਹਸਪਤਾਲ, ਵਾਤਾਵਰਣ, ਸੜਕਾਂ, ਰੇਲਵੇ ਅਤੇ ਜਨਤਕ ਟ੍ਰਾਂਸਪੋਰਟ, ਭਾਈਚਾਰਕ ਸੇਵਾਵਾਂ, ਪੁਲਿਸ ਅਤੇ ਐਮਰਜੈਂਸੀ ਸੇਵਾਵਾਂ|

ਨਗਰ-ਕੌਂਸਲਾਂ ਕਿਸੇ ਸ਼ਹਿਰ ਜਾਂ ਸਥਾਨਕ ਭਾਈਚਾਰੇ ਦੀਆਂ ਲੋੜਾਂ ਦਾ ਧਿਆਨ ਰੱਖਦੀਆਂ ਹਨ। ਕੌਂਸਲ ਦੇ ਨੁਮਾਇੰਦਿਆਂ ਨੂੰ aldermen (ਐਲਡਰਮੈਨ) ਜਾਂ councillors (ਕੌਂਸਲਰ) ਕਿਹਾ ਜਾਂਦਾ ਹੈ। ਨਗਰ-ਕੌਂਸਲਾਂ ਦੀਆਂ ਮੀਟਿੰਗਾਂ ਆਮ ਤੌਰ 'ਤੇ ਜਨਤਾ ਲਈ ਖੁੱਲ੍ਹੀਆਂ ਹੁੰਦੀਆਂ ਹਨ।

ਸਥਾਨਕ ਸਰਕਾਰ ਦੀਆਂ ਜ਼ਿੰਮੇਵਾਰੀਆਂ ਵਿੱਚ ਸ਼ਾਮਲ ਹਨ: ਸਥਾਨਕ ਸੜਕਾਂ ਦੀ ਦੇਖ-ਭਾਲ, ਕੂੜਾ-ਕਰਕਟ ਇਕੱਠਾ ਕਰਨਾ, ਇਮਾਰਤੀ ਨਿਯਮ, ਜਨਤਕ ਸਿਹਤ ਅਤੇ ਭਾਈਚਾਰਕ ਸੁਵਿਧਾਵਾਂ ਜਿਵੇਂ ਕਿ ਸਵਿਮਿੰਗ ਪੂਲ। ACT ਵਿੱਚ ਨਗਰ ਕੌਂਸਲਾਂ ਨਹੀਂ ਹਨ, ਨਗਰ ਕੌਂਸਲ ਦੇ ਕਾਰਜ Legislative Assembly (ਵਿਧਾਨ ਸਭਾ) ਦੇ ਅਧੀਨ ਆਉਂਦੇ ਹਨ।