मतदान हाम्रो अधिकार हो तर यो
हाम्रो कर्तव्य पनि हो

संघीय संसद House of Representatives (प्रतिनिधिसभा ) र Senate( सिनेट) गरी दुई सदनमा विभाजित छ ।

कानुन बनाउन दुवै सदनबाट अनुमोदन हुनुपर्ने हुन्छ ।

संघीय सरकारको जिम्मेवारीहरूमा अध्यागमन, धेरैजसो सामाजिक सेवाहरू, निवृत्तिभरण, रक्षा, विदेश मामिलाहरू, र व्यापार समावेश छन्। संघीय सरकार स्वास्थ्य, शिक्षा, वातावरणीय समस्या र औद्योगिक सम्बन्धमा पनि संलग्न छ।

अधिकांश राज्य संसदहरू संघीय संसद जस्तै तल्लो र माथिल्लो सदनमा विभाजित छन्। यद्यपि, Queensland (क्वीन्सल्याण्ड), Australian Capital Territory (अष्ट्रेलियन क्यापीटल टेरीटोरी) तथा Northern Territory (नर्दन टेरीटोरी ) एकसदनात्मक छन्, जसको मतलब तिनीहरूसँग केवल एउटा सभा छ, Legislative Assembly (विधान सभा)।

राज्यका सवालमा कानुन बनाउनका लागि दुवै सदनबाट कानुन पारित हुनुपर्छ । वा एकसदनात्मक संसदमा, कानूनहरू एउटै सदनबाट पारित हुनुपर्छ।

राज्य र क्षेत्रीय जिम्मेवारीहरूमा विद्यालय, अस्पताल, वातावरण, सडक, रेलवे र सार्वजनिक यातायात, सामुदायिक सेवाहरू, प्रहरी र आपतकालीन सेवाहरू समावेश छन्।

काउन्सिलहरूले सहर वा स्थानीय समुदायको आवश्यकताहरू हेर्छन्। परिषद्का प्रतिनिधिहरूलाई aldermen(एल्डरमेन )वा councillors (काउन्सिलर) भनिन्छ। काउन्सिल बैठकहरू सामान्यतया सर्वसाधारणको लागि खुला हुन्छन्।

स्थानीय सरकारको जिम्मेवारीहरूमा स्थानीय सडक मर्मत, फोहोर सङ्कलन, भवन नियमहरू, सार्वजनिक स्वास्थ्य र सामुदायिक सुविधाहरू जस्तै पौंडी पोखरी समावेश छन्। अष्ट्रेलियन क्यापीटल टेरीटोरी क्षेत्र (ACT) मा परिषदहरू छैनन्, नगर परिषदको कार्यहरू Legislative Assembly (विधान सभा )अन्तर्गत पर्दछन्।