मतदान कसरी गर्ने

जनमत संग्रहको निर्णय कसरी हुन्छ

जनमत संग्रह पारित गर्न र संविधान संशोधन गर्न दोहोरो बहुमत चाहिन्छ। 'दोहोरो बहुमत' भनेको:

1. सबै राज्य र क्षेत्रका मतदाताहरूको समग्र बहुमत (आधा भन्दा बढी) ले ठीक छ भनेर मतदान गर्दछन्
   
   र
    
2. बहुसंख्यक राज्यहरूमा बहुमत (आधा भन्दा बढी) मतदाताहरूले ठीक छ भनी मतदान गर्दछन् (यसको मतलब छवटा राज्यहरूमध्ये कम्तिमा चारले समग्रमा ठीक छ भनी मतदान गर्छन्)

एसीटी (ACT), एनटी (NT) र अष्ट्रेलियाको कुनै पनि बाह्य क्षेत्रहरूमा बसोबास गर्ने मानिसहरूको मत राष्ट्रिय बहुमतमा मात्र गणना हुन्छ।

यदि 'दोहोरो बहुमत' हासिल भएन भने, जनमत संग्रहले अष्ट्रेलियाको संविधानलाई परिवर्तन गर्न सक्दैन।

मतदान गर्न नामांकन गर्ने

जनमत संग्रहमा मतदान गर्नको लागि तपाई AEC को मतदाता सूचीमा हुनुपर्छ। यसलाई मतदाता नामावली भनिन्छ। यदि तपाईंले पहिले नै नामांकन गर्नुभएको छ भने, तपाईं पहिले नै जनमत संग्रहको लागि मतदाता सूचीमा हुनुहुनेछ।

जनमत संग्रहमा मतदान गर्न नामांकन गर्ने प्रक्रिया राज्य वा संघीय चुनावको लागि नामांकन गर्ने जस्तै हो। कसरी नामांकन गर्ने भनेर यहाँ जान्नुहोस्: https://harmonyvotes.org.au/how-to-enrol/federal/

मतदान प्रक्रिया

तपाईं मतदान स्थलमा पुग्दा

जब तपाईं मतदान स्थलमा पुग्नुहुन्छ, मतदानका मानिसहरूले तपाईंको नाम मतदाताहरूको सूचीमा हेर्नेछन् र तपाईंलाई मद्दत गर्नेछन्। सूचीमा तपाईंको नाम फेला पार्न मद्दत गर्न, तपाईंलाई केही प्रश्नहरू सोधिनेछन्:

1. तपाईंको नाम थर के हो?
   (यसको मतलब तपाईंको पहिलो र अन्तिम नाम, वा तपाईंको 'मत दिने नाम' हो।)
   पारिवारिक नाम र दिइएको नाम/हरू बीच भ्रम हुन सक्छ। यदि तपाईंलाई यस्तो भएको जस्तो लाग्छ र तपाईंको नाम सूचीमा फेला परेन भने, मतदानका मानिसहरूलाई प्रमाणित सूचीमा खोजी गर्दा तपाईंको पारिवारिक नाम र दिइएको नाम उल्ट्याउन सुझाव दिनुहोस्। यदि तपाईंको नाम अझै पनि सूचीमा फेला परेन भने, तपाईंले अझै पनि मतदान गर्न सक्नुहुन्छ। मतदानका मानिसहरूले तपाईंलाई के गर्नु पर्छ भनेर बताउनेछन्।
2. तपाईं कहाँ बस्नुहुन्छ?
   (यसको मतलब तपाईंले मतदान गर्न नामांकन गर्दा तपाईंले दिनुभएको ठेगाना हो।)
3. के तपाईंले यस जनमत संग्रहमा पहिले नै मतदान गर्नुभएको छ ?
   (यो त्यस कारणले सोधिएको छ किनकि तपाईंले जनमत संग्रहमा एक पटक मात्र मतदान गर्न सक्नुहुन्छ।)

एकपटक तपाईं सूचीमा फेला पर्नुभएपछि र तपाईंको नाममा चिन्ह लगाइएपछि, तपाईंलाई तपाईंको जनमत संग्रह प्रश्न सहितको  मतपत्रहरू दिइनेछन्।

मतदान कसरी गर्ने

तपाईंले जनमत संग्रहमा मतदान गर्दा, यदि तपाईंले परिवर्तनलाई अनुमोदन गर्नुहुन्छ भने, तपाईंले 'ठिक छ' लेख्नुहुन्छ; यदि तपाईंले परिवर्तनलाई अनुमोदन गर्नुहुँदैन भने, तपाईंले मतपत्रमा ''ठिक छैन'' लेख्नुहुन्छ।

तपाईंले AEC वेबसाइटमा आफ्नो मत लेख्ने अभ्यास गर्न सक्नुहुन्छ: https://www.aec.gov.au/voting/how_to_vote/practice/practice-referendum.htm

एकचोटि तपाईंले मतपत्रमा प्रश्नको उत्तर लेख्नुभएपछि, तपाईंले उक्त कागजलाई मतदान पेटी वा मतपेटिकामा राख्नुहुनेछ। AEC तिनीहरूलाई गणना गर्न तयार नभएसम्म यो बाकसमा मतहरू रहन्छन्।