طریقه کار پارلمان تاسمانیا چی رقم استه

بلده ازیکه رای شیم د حساب بایه، فامیدون ازیکه پارلمان تاسمانیا (Tasmania’s Parliament) چی رقم کار مونه و چی رقم رای بیدید خیلی مهم استه.

د تاسمانیا (Tasmania)، شیمو به یک پروسه دموکراتیک شرکت کیده هر چار سال نمایندگان خوره بلده پارلمان انتخاب مونید. ای نمایندا وظیفه دیرن که از شیمو نمایندگی کیده و قانونا ره بررسی کیده و قانون جور کنن.

معمولاً، ای کاندیدا مربوط به حزبای سیاسی موشن، ولی باضی یای شی شاید مستقیلانه استاد شونن. اگه اکثر کاندیدای یک حزب سیاسی د مجلس نمایندگان (the House of Assembly ) انتخاب شونن، او حزب می تنه حکومت ایالتی تاسمانیا (the Tasmanian State Government) ره تشکیل بیدیه.

نمایندگان منتخب به نام اعضای مجلس نمایندگان (Members of the House of Assembly) (MHA) یا اعضای شورای قانونگذاری (Members of the Legislative Council ) (MLC ) یاد موشن. MHAs  از ناحیه یا حوزه های انتخاباتی به خصوص د مجلس نمایندگان نمایندگی مونن، در حالیلکه MLCs  از بخش های به خصوصی د شورای قانونگذاری (Legislative Council) نمایندگی مونن.

پارلمان تاسمانیا متشکل از دو مجلس استه:

مجلس نمایندگان: The House of Assembly (Lower House)

از 35 عضو تشکیل شده، جایی استه که در شی قانون جور موشه، و بودجه ایالت تایید موشه. نخست وزیر (The Premier)، رهبر حکومت، د امزی مجلس انتخاب موشه.

شورای قانونگذاری: (The Legislative Council (Upper House)

از 15 عضو تشکیل شده، جایی استه که قانونای تایید شده توسط مجلس نمایندگان مورد بررسی قرار میگره.

MLCs بلده یک مدت شش-ساله انتخاب موشن، که یک بخشی از اعضای شورا هر سال قد انتخابات روبرو موشن.

رای گیری بلده کاندیدا د هر دو مجلس مهم استه بخاطریکه هردوی شی د تصمیم گیری های حکومتی نقش مهم دیرن. پیش ازیکه یک قانون جور شونه هر دو مجلس باید تایید کنه.

بلده کسب مالومات زیادتر، از وبسایت پارلمان تاسمانیا بازدید کید.