بلده ازیکه رای شیم د حساب بایه، فامیدون ازیکه پارلمان استرالیای جنوبی (South Australia’s Parliament ) چی رقم کار مونه و چی رقم رای بدید خیلی مهم استه.
د استرالیای جنوبی (South Australia)، شیمو به صورت دموکراتیک هر چار سال نمایندگان خوره بلده پارلمان انتخاب مونید که از شیمو نمایندگی کیده و قانونا ره بررسی و قانونا ره جور کنن.
ای کاندیدا معمولاً مربوط به حزبای سیاسی موشن، ولی همیشه ای رقم نیسته. اگه اکثر کاندیدای یک حزب سیاسی انتخاب شونن، او حزب می تنه حکومت استرالیای جنوبی (the South Australian Government ) ره تشکیل بیدیه. کلانترین حزبی که نه تینه دولت تشکیل بیدیه، اپوزیسیون (the Opposition) جور موشه.
نمایندگانی که موفقانه انتخاب موشن به نام اعضای مجلس نمایندگان (Members of the House of Assembly) (MHA) یا اعضای شورای قانونگذاری (Members of the Legislative Council ) (MLC ) یاد موشن. اونا یا از حوزه های انتخاباتی به خصوص د مجلس نمایندگان یا از تمام استرالیای جنوبی د مجلس قانونگذاری نمایندگی مونن.
پارلمان استرالیای جنوبی متشکل از دو بخش استه که به نام مجلس ها یاد موشه:
مجلس نمایندگان: The House of Assembly (Lower House)
از 47 عضو تشکیل شده. ای جایی استه که در شی قانون جور موشه، و بودجه ایالت تایید موشه. نخست وزیر، رئیس حکومت، رهبر حزب سیاسی برنده استه.
شورای قانونگذاری: (The Legislative Council (Upper House)
از 22 عضو تشکیل شده. ای جایی استه که قانونای تایید شده توسط مجلس نمایندگان مورد بررسی قرار میگره.
اعضای شورای قانونگذاری توسط تمام ایالت بلده مدت هشت-ساله انتخاب موشه، که فقط نیمی از اعضای شورا باید د هر دوره انتخاباتی چار-ساله د انتخابات شرکت کنن.
رای گیری بلده کاندیدا د هر دو مجلس مهم استه بخاطریکه هردوی شی د تصمیم گیری های حکومتی نقش مهم دیرن. پیش ازیکه یک قانون جور شونه هر دو مجلس باید تایید کنه.
بلده کسب مالومات زیادتر، از وبسایت پارلمان حکومت استرالیای جنوبی بازدید کید.
