بلده ازیکه رای شیم د حساب بایه، فامیدون ازیکه پارلمان کوئینزلند (Queensland’s Parliament ) چی رقم کار مونه و طریقه رای گیری ره بلده باشید، خیلی مهم استه.
د کوئینزلند (Queensland) شیمو نمایندگان بلده پارلمان ره هر چار سال به صورت دموکراتیک انتخاب مونید که از شیمو نمایندگی کیده قانونا ره بررسی کیده و قانونا ره جور کنن.
معمولاً – ولی نه همیشه - ای کاندیدها مربوط به حزبای سیاسی موشن. اگه اکثر کاندیدای یک حزب سیاسی انتخاب شونن، او حزب می تنه حکومت کوئینزلند (the Queensland Government) ره تشکیل بیدیه. کلانترین حزبی که نه تینه دولت تشکیل بیدیه، اپوزیسیون (the Opposition) جور موشه. یک حزب بدون اکثریت می تینه حکومت تشکیل بیدیه اگه به اندازه کافی قد دیگه حزبا و کاندید ها اتحاد کنه که اکثریت ره بدست بیره.
کاندیدهای که به کدم حزب وابسته نیستن مستقل (independents) گفته موشن. نمایندگان مستقل و اعضای حزبای ریزه تر که برنده شدن که نه د حکومت شامل موشن نه د اپوزسیون، باضی وقتا بنام کراس بنچ (the Crossbench) گفته موشن.
کاندیدهای که موفقانه انتخاب شدن به نام اعضای مجلس قانونگذاری (Members of the Legislative Assembly) (MLA) یاد موشن. اونا از ناحیه ها یا حوزه های انتخاباتی به خصوصی د مجلس قانونگذاری (the Legislative Assembly) نمایندگی مونن.
پارلمان کوئینزلند تک-مجلسی استه، یعنی تنها یک مجلس دیره:
مجلس قانونگذاری
متشکل از 93 عضو استه. ای جایی استه که قانون ساخته موشه، و بودجه ایالت تایید موشه. نخست وزیر(The Premier)، ریئس حکومت، د امزی مجلس انتخاب موشه.
رای گیری بلده کاندیدها د مجلس قانونگذاری خیلی مهم استه بخاطریکه اونا نقش کلیدی د تصمیم گیری های دولتی دیرن.
بلده کسب مالومات زیادتر، از وبسایت Queensland Parliament بازدید کید.
