د ویکتوریا، اکثر انتخابات شوراهای محلی هر چار سال د ماه اکتوبر برگزار موشه. بلده کسب جزئیات زیادتر د باره شورای شهر خو لطفاً به وبسایت کمسیون انتخابات ویکتوریا (the Victorian Electoral Commission) (VEC) مراجعه کید.
بلده ازیکه د انتخابات شوراها شهر ثبت نام کنید، نیاز نیه که حتماً باید شهروندی دیشته باشید!
ای ازی خاطر استه که بلده حکومتای محلی د ویکتوریا اگه شرایط زیر ره دیشته شید می تنید بلده یک ثبت نامی که بنام «ثبت نام شورا» یاد موشه ثبت نام کنید:
بلده ازیکه که چک کنید که آیا شیمو یک رای دهنده ثبت نام شورا استید یا نه، مستقماً به شورای شهر خو به تماس شید.
به جز از شورای شهر ملبورن (Melbourne City Council)، رای ددو بلده رای دهندای ثبت نام شورا جبری نیسته.
تمام دیگه رای دهندا باید رای بیدیَن.
د هر کدم از انتخابات شورای شهر فقط می تنید یکدفه رای بیدید.
شیمو بلده چی کسی رای میدید؟
نظر به شورای شهر شیم، شاید بلده اشخاص زیر رای بیدید:
بلده چک کیدون ساختار شورای خو، پروفایل شورای محلی ره جستجو کید.
باد ازیکه تمام اعضای شورا انتخاب شد، اونا تصمیم میگرن که چی کسی به حیث شاروال فعالیت کنه (بجز از Melbourne City Council).
د Melbourne City Council، به اضافه 9 عضو شورا، رئیس حکومت محلی خوره مستقیماً خود شیم انتخاب مونید، که شاروال شهر (the Lord Mayor ) و معاون شاروال شهر (Deputy Lord Mayor ) استن.
رای گیری پستی
تمام رای دهندای ثبت نام شده یک بسته رای گیری ره از طریق پست دریافت خواد کدن.
بسته رای گیری شیم شامل موارد زیر استه:
اگه بسته رای گیری خوره دریافت نکدید، بلده کمسیون انتخابات (the VEC) د شماره 13 18 32 زنگ دید.
رای گیری پستی: چی رقم ورق رای گیری خوره تکمیل کنوم؟
ای یک نمونه ای از ورق رای گیری استه.
شیمو باید د داخل هر خانه جدول د بله ورق رای گیری یک شماره نوشته کنید
رای گیری پستی: چی رقم رای بیدیم؟
