کوئینزلند

د کوئینزلند، انتخابات حکومت محلی هر چار سال د آخرین شنبه مارچ برگزار موشه. بلده کسب جزئیات زیادتر د باره شورای شهر خو لطفاً به وبسایت کمسیون انتخابات کوئینزلند (the Electoral Commission of Queensland) (ECQ) مراجعه کید.

منطقه شورای شهر محلی خوره پیدا کید

شیمو می تنید آدرس خوره د اینجی درج کیده و منطقه حکومت محلی خوره پیدا کید.

بلده چی کسی رای میدید؟

بلده حکومت محلی خو، شیمو بلده یک یا بیشتر از یک عضو شورای شهر خو رای میدید که از شیمو نمایندگی خواد کد و رئیس شورای شهر خو، یعنی شاروال، د یک رای گیری جداگانه که همزمان برگزار موشه.

د کوئینزلند دو نوع مهمی از حکومت محلی وجود دیره:

• شورای تقسیم شده (Divided council): جایی که یک حکومت محلی دارای تقسیمات داخلی استه که به عنوان بخش ها یا ناحیه ها شناخته موشه و رأی دهندا یک عضو شورا ره به نمایندگی از ناحیه خو انتخاب مونن.
• شورای تقسیم نشده (Undivided council): رای دهندا تمام اعضای شورا ره بلده منطقه حکومت محلی خو انتخاب مونن.

ای دو نوع شورا د روی پروسه طریقه رای گیری تاثیر مونه.

طریقه رای گیری

نظر به حکومت محلی شیم، انتخابات د کوئینزلند دو رقم انجام موشه. یک شی رای-گیری-اول-و-آخیر (first-past-the-post voting) و دیگه شی ترجیحی اختیاری استه. شیمو می تنید قد ECQ به تماس شده حکومت محلی خوره  توخ کنید.

رای-گیری-اول-و-آخیر (first-past-the-post voting)

د یک انتخابات حکومت محلی بلده یک شورای تقسیم نشده یا یک شورای چندین تقسیم-شده، شیمو بلده اعضای شورای خو با استفاده از رای گیری به تعداد پست خالی (first-past-the-post voting) (FPTP) رای می دید. شیمو خانه های جدول د پالوی تعداد کاندیدای مورد نظر خو ره علامت گذاری مونید.

بلده مثال، اگه قرار باشه چار کاندید بلده شورا انتخاب شونه، رای دهندا باید چار دنه خانه جدول ره د ورق رای گیری علامت ده یه.

رای گیری ترجیحی اختیاری

د یک انتخابات حکومت محلی بلده یک شورای تقسیم شده تک عضوی، و هنگام رای گیری بلده شاروال د تمام شوراها، شیمو ای انتخاب ره دیرید که بلده یک، چندین یا تمام کاندیدا د بله ورق رای گیری رای بیدید؛ ای ره رای گیری ترجیحی اختیاری (optional preferential voting)  (OPV)موگیه.

OPV یک سیستم رای گیری استه که د کوئینزلند بلده انتخاب کیدون موارد زیر استفاده موشه:

شاروال د انتخابات حکومت محلی

اعضای شوراها د دولتای محلی که د او بخش‌ها یا ناحیه‌های تک-عضوی وجود دیره (شوراهای تقسیم‌شده تک-عضوی).

رای بلده یک

رای گیری فقط بلده یک کاندید قد نوشته کیدون یک عدد (1)، علامت تیک، علامت چلیپا د چارخانه پالوی نام کاندید مورد نظر شیم.

رای بلده چندین یا تمامی

رای گیری بلده چندین یا تمام کاندید قد نوشته کیدون یک عدد (1) د خانه جدول کاندید مورد نظر شیم. ازو بعد شیمو می تنید نظر به دستورات نوشته شده د روی ورق رای گیری چندین یا تمام خانه های جدول باقی منده ره به ترتیب ترجیح خو شماره گذاری کنید.