د قلمرو شمالی، انتخابات حکومت محلی هر چار سال د چهارمین شنبه آگست برگزار موشه. بلده کسب جزئیات زیادتر د باره شورای شهر خو لطفاً به وبسایت کمسیون انتخابات قلمرو شمالی (the Northern Territory Electoral Commission (NTEC)) مراجعه کید.
منطقه شورای شهر محلی خوره پیدا کید
شیمو می تنید منطقه حکومت محلی خوره د اینجی پیدا کنید.
بلده چی کسی رای میدید؟
شیمو بلده یک یا چندین عضو شورا ره که از شیمو د حکومت محلی نمایندگی نه و، نظر به شورای شهر شیم، بلده رهبری حکومت، شاورال رای بیدید.
حکومت محلی د قلمرو شمالی متشکل از 5 شورای شاروالی و 12 شورا د منطقای ساحوی و دوردست استه. دو شاروالی های (Darwin و Litchfield) و 9 شورای ساحوی و یک شورای حکومت اجتماعی به بخش های ریزه تر تقسیم شده که بنام ناحیه یاد موشه.
سه شاروالی های (Alice Springs، Katherine و Palmerston) و دو شورای دهاتی (Belyuen و Wagait) دارای ساختار ناحیه ای نیستن.
رهبری شاروالی ها، که عموماً بنام شاروال یاد موشه، مستقیماً انتخاب موشه. د شوراهای ساحوی، عضو اصلی شاید انتخاب شونه یا توسط اعضای شورا که شیمو انتخاب کیدید انتخاب شونه.
تعداد اعضای عادی د هر شورا از 6 تا 14 نفر و در هر ناحیه از یک تا 5 نفر متغیر استه.
قسمتای ریزه اراضی د قلمرو شمالی تا هنوز تحت مدیریت شاروالی شامل نشده. ای قسمتا ره د نام قسمتای ثبت-نشده موگیه، لست کامل شی ره د اینجی بینگرنید.
سیستم انتخاباتی که د انتخابات حکومت محلی د ای قلمرو استفاده موشه بنام سیستم انتخاباتی نمایندگی تناسبی (proportional representation) گفته موشه. شیمو ترجیح اول خوره انتخاب مونید و بعداً ترجیحای بیشتر خوره مانند 2، 3 و غیره ره انتخاب مونید. هر رای نظر به ترجیح شیم بین کاندیدها انتقال دده موشه. یک کاندید زمانی انتخاب موشه که تعداد مجموعی رای شی برابر یا زیادتر از یک نسبت مشخص آرای موجود د منطقه شیم باشه.
طریقه رای گیری
شیمو باید به هر کاندیدی که د ورق رای گیری شیم لست شده نظر به ترجیح خو علامت ده اید.
شیمو باید شماره 1 ره د خانه کاندید د ورق رای گیری بلده کسی که اولین انتخاب شیم استه نوشته کید. سپس باید شمارای کامل افزایش یافته ره که با عدد 2 شروع موشه د خانه های کاندیدا، روی ورق رای گیری هر کدم از کاندید دیگه نوشته کید تا زمانی که یک عدد د تمام خانه های ورق رای گیری نوشته شده باشه.
یک علامت چلیپا، علامت تیک یا علامت یک (1) به حیث ترجیح اول یک رای دهنده د نظر گرفته موشه.
طریق درست رای گیری:
طریقه نادرست رای گیری:
د کجا می تنوم رای بیدیم؟
د انتخابات حکومت محلی گزینه های زیادی بلده رای دهندا وجود دیره که رای بیدین. ای گزینا عبارت اند از:
بلده کسب مالومات زیادتر بله ازی لینک فشار بیدید.
