آیا مه می تنوم رای بیدیم؟
اگه شرایط زیر ره دیشته باشید می تنید د انتخابات ایالتی قلمرو پایتخت استرالیا (ACT) رای بیدید:
اگه تا وقت تعیین شده ثبت نام نکنید، هنوزم می تنید د روز انتخابات رای بی دید. به یک مرکز رای گیری بلده ثبت نام رفته و امونجی رای خوره بی دید. مطمئن شونید که کارتای شناسایی، مانند لیسانس موتروانی، اجازه نامه یاد گرفتون موتروانی، پاسپورت استرالیایی، یا تازه ترین بل برق یا بل شاروالی که د نام خود شیم باشه و آدرس شیم ره نیشو بیدیه ره قد خود خو بیرید. به یکی از کارمندان کمسیون انتخابات قلمرو پایتخت (the ACT Electoral Commission) بوگید که شیمو ثبت نام نیستید، و اونا می تنن شیموره کمک کنن.
آیا مه حتماً باید رای بی دیم؟
اری، اگه شیمو شرایطی ره که د بال ذکر شد دیشته شید، باید رای بی دید. اگه رای نه دید و دلیل معقول بلده رای نه ددون خو فراهم نکنید، شاید جریمه شونید.
چی وقت باید رای بی دید
انتخابات بعدی ایالتی ACT به روز شنبه 19 اکتوبر 2024 برگزار خواد شد. رای گیری د ای روز از ساعت 08:00 صبح تا 06:00 پاسی روز ره واز خواد بود.
اکثریت مردم د روز انتخابات رای خواد ددن. اگه شیمو نمی تنید د روز انتخابات رای بیدید، می تنید زودتر به طور حضوری یا از طریق پست (یک رای پستی) از جمله گزینایی که د قسمت پایین ذکر شده رای بی دید.
د کجا باید رای بیدید
چی چیزایی د غرفه رای گیری یا مرکزای رای گیری زودهنگام اتفاق موفته؟
بیرون از غرفه رای گیری یا مرکز رای گیری زودهنگام، شیمو شاید کاندیدها و/یا داوطلبا ره بینگرنید که کاندیدها ره کمک مونن. اونا شاید یک ورقه ای ره که بنام «طریقه-رای-گیری (how-to-vote)» گفته موشه بلده شیم بیدیه.
اگه نخواسته باشید حتمی نیسته که ای کارت طریقه-رای-گیری ره بیگرید یا از شی پیروی کنید. اگه قد سیاست های ای کاندید موافق باشید، ای کارت می تینه شیموره کمک کنه که چی رقم رای بیدید. اما، هنوزم می تنید بلده ازی کاندید رای بی دید و دیگه کاندیدا ره به یک ترتیب مختلف از طوری که د کارت طریقه-رای-گیری گفته شده درجه بندی کنید.
د داخل غرفه رای گیری، شیمو یکی از افسرای انتخابات ACT ره د پشت یک میز با لیستی از نامها خواد دیدید. شیمو باید قد افسر انتخابات نام خوره علامت بیزنید. اونا نام، آدرس، اینکه آیا قبلاً د انتخابات رای دیدید یا نه ره پرسان مونه، و حوزه انتخاباتی شیم ره تایید مونه. ای افسر انتخابات بلده شیم دو ورق رای گیری میدیه و نیشو میدیه که د کجا بورید رای خوره بیدید.
شیمو د داخل یک غرفه ساخته-شده از کارتن کاغذی رای خواد ددید. ای غرفه ها دارای دیوارهای جدا کننده استه که دیگرو نه میتینه رای ددون شیم ره اوش کنه. د بین غرفه ها پنسل ها استه که می تنید بلده علامت زیدون رای خو استفاده کنید، ولی میتنید از پنسل یا قلم خود خو هم استفاده کنید.
اگه د تکمیل کیدن ورقای رای دهی خو نیاز به کم دیشته شید، می تنید یک نفر کمکی یا دوست خوره قد خو بوبرید. کارمندای انتخابات هم می تنن شیموره کمک کنن. ای نفر کمکی نباید شیموره بوگیه که بلده چی کسی رای بیدید و بدون رضایت شیم نباید قد کدم کس بوگیه که شیمو بلده چی کسی رای ددید.
اگه د روز انتخابات د بیرون از کشور یا د کدم ایالت دیگه باشید چیز کار موشه؟
اگه د جریان روز انتخابات د مسافرت باشید (چه داخل استرالیا یا بیرون از کشور)، گزینه های زیر ره دیرید:
اگه نمی تنید د یک مرکز رای گیری زودهنگام یا از طریق پست رای بیدید و بلده رای نه ددون خو یک دلیل معقول دیرید، جریمه نخواد شدید. مطمئن شید که پیش از روز انتخابات از طریق ایمیل elections@act.gov.au به the ACT Electoral Commission خبر بدید.
بلده کسب مالومات زیادتر همچنین می تنید از طریق شماره 02 6205 0033 به the ACT Electoral Commission زنگ بزنید.
