بلده ازیکه رای شیم د حساب بایه، فامیدون ازیکه پارلمان قلمرو پایتخت استرالیا the Australian Capital Territory’s (ACT) Parliament چی رقم کار مونه خیلی مهم استه.
د ACT، شیمو قد انتخاب کیدون نمایندگان بلده پارلمان هر چار سال، د پروسه دموکراتیک شرکت مونید. به ای نمایندگان وظیفه سپرده موشه که از طرف شیم قانونا ره بررسی کیده و قانونا ره جور کنن.
معمولاً، کاندیدها مربوط به حزبای سیاسی موشن، اگرچند باضی یای شی به صورت مستقل استاد موشن. اگه اکثر کاندیدای یک حزب سیاسی د مجلس قانونگذاری Legislative Assembly)) انتخاب شونن، او حزب می تنه حکومت قلمرو پایتخت (ACT Government) ره تشکیل بیدیه. کلانترین حزبی که نه تینه دولت تشکیل بیدیه، اپوزیسیون (the Opposition) جور موشه. به یک طریق دیگه، یک ائتلافی از حزبا و کاندیدها بدون یک اکثریت می تنن حکومت تشکیل بیدین.
نمایندگان منتخب به نام اعضای مجلس قانونگذاری (Members of the Legislative Assembly) (MLA) یاد موشن. MLAs از ناحیه ها یا حوزه های انتخاباتی به خصوص د مجلس قانونگذاری نمایندگی مونن.
پارلمان قلمرو پایتخت متشکل از یک مجلس استه:
مجلس قانونگذاری، متشکل از 25 عضو استه، که د اونجی قانون جور موشه، و بودجه ای قلمرو تایید موشه. نخست وزیر (The Chief Minister)، که رئیس حکومت استه، د ای مجلس انتخاب موشه.
رای گیری بلده کاندیدها د مجلس قانونگذاری خیلی مهم استه بخاطریکه اونا نقش کلیدی ره د تصمیم گیری های دولتی دیرن.
پیش ازیکه کدم قانون نو فعال شونه، مجلس قانونگذاری باید او قانون ره قبول کنن.
بلده جزئیات زیادتر، به ACT Parliament website مراجعه کید.
