စာတိုက်မဲပေးရန် လျှောက်ထားခြင်း
စာတိုက်မှတစ်ဆင့် မဲပေးရန်အတွက်၊ 2024 ခုနှစ် ပြည်နယ်ရွေးကောက်ပွဲတွင် စာတိုက်မဲပေးရန် ဤအချိန်မှစ၍ သင် လျှောက်ထားနိုင်ပါသည်။ ACT Electoral Commission သည် သင့်အား ကော်မရှင်သို့ စာတိုက်မှ ပြန်ပို့ရမည့် စာတိုက်မဲထုပ်ကို သင့်ထံ ပေးပို့ပါမည်။ စာတိုက်မဲပေးခြင်းသည် အခမဲ့ ဖြစ်သည်။
အောက်ပါနည်းတို့ဖြင့် လျှောက်ထားနိုင်ပါသည်-
သာမန်စာတိုက်မဲဆန္ဒရှင်များအတွက် စာတိုက်မဲလက်မှတ်များကို အလိုအလျောက် ပေးပို့မည်ဖြစ်သောကြောင့် စာတိုက်မဲပေးရန် လျှောက်ထားရန် မလိုအပ်ပါ။
လျှောက်ထားရမည့်နည်းနှင့် ပတ်သက်သည့် အသေးစိတ်ကို ရွေးကောက်ပွဲ နီးလာသောအခါ ထုတ်ပြန်ပေးပါမည်။ ပိုမိုသောအကြောင်းအချက်သိရှိလိုပါက ဤနေရာတွင် ကြည့်ပါ။
နောက်ဆုံးသတ်မှတ်ရက်များမှာ ဘာတွေလဲ။
မိမိ လျှောက်ထားနိုင်ပါသလား။
သင်သည် အောက်ပါတို့နှင့် ကိုက်ညီပါက လျှောက်ထားနိုင်သည်-
စာတိုက်မှ မဲပေးခြင်း
ညွှန်ကြားချက်များပါ မဲစာရွက်၊ စာအိတ်နှင့် ပို့ခပေးပြီး ပြန်စာအိတ်များကို သင့်ထံ ပေးပို့ပါမည်။
ရွေးကောက်ပွဲ မဲစာရွက်များကို လျှို့ဝှက်စွာ ဖြည့်စွက်ရမည်။ သင့်အား ကူညီရန် တစ်ယောက်ယောက်ကို သင် မေးနိုင်သည်၊ သို့သော် ထိုသူက မဲပေးရမည့်သူကို မပြောသင့်ပါ၊ သင်၏ သဘောတူညီချက်မပါဘဲ သင်မဲပေးပုံကို မည်သူ့ကိုမျှ မပြောသင့်ပါ။
မဲစာရွက်ဖြည့်ပြီးသည်နှင့် စာတိုက်မဲစာအိတ်ထဲထည့်ပြီး စာတိုက်မဲစာအိတ်ကိုပိတ်ပါ။ ကြေညာချက်စာရွက်ကို မဖယ်ပါနှင့်။ ရွေးကောက်ပွဲအရာရှိများသည် သင်၏ လက်မှတ်နှင့် လုံခြုံရေးမေးခွန်းအဖြေများကို စစ်ဆေးရန် လိုအပ်ပြီး၊ သိုမှသာ သင့်မဲသည် လျှို့ဝှက်ထားဆဲ သေချာစေပါမည်။ စာအိတ်ကို လက်မှတ်ထိုး နေ့စွဲတပ်ပြီး လုံခြုံရေးမေးခွန်းကို ဖြေပါ။ ဤအပိုင်းတွင် "မလိုအပ်ပါ" ဟု ရေးထားပါက သင် ရေးရန် မလိုအပ်ပါ။ ပိတ်ထားသော ဖြည့်စွက်ပြီးစာတိုက်မဲကို ပို့ခပေးပြီးပြန်စာအိတ်အတွင်း ထည့်ပါ။ ထိုစာအိတ်ကို တတ်နိုင်သမျှ မြန်မြန်ပို့ပါ။ တံဆိပ်ခေါင်းကပ်ရန် မလိုပါ။
