के म मतदान गर्न सक्छु?
तपाईंले साउथ अष्ट्रेलियाली राज्य निर्वाचनमा मतदान गर्न सक्नुहुन्छ यदि तपाईं:
यदि तपाईंले समयसीमा भित्र नामांकन गर्नुभएन भने, तपाईंले अझै पनि चुनावको दिनमा मतदान गर्न सक्नुहुन्छ। मतदान केन्द्रमा जानुहोस् र त्यहीँ स्थानमा मतदान गर्नुहोस्। आफ्नो चालक अनुमतिपत्र, लर्नर परमिट, अष्ट्रेलियाली राहदानी, वा आफ्नो नाम र ठेगाना देखाउन हालसालैको बिजुलीको बिल वा परिषदको दरको सूचना जस्ता परिचयपत्र ल्याउनुभएको सुनिश्चित गर्नुहोस्। साउथ अष्ट्रेलियाली निर्वाचन आयोग (the South Australian Electoral Commission) का कर्मचारीलाई तपाईंको नाम दर्ता नभएको जानकारी दिनुहोस्, र उनीहरूले तपाईंलाई सहयोग गर्न सक्छन्।
के मैले मतदान गर्नुपर्छ?
पर्छ, यदि तपाईंले माथि सूचीबद्ध मापदण्डहरू पूरा गर्नुभएको छ भने, तपाईंले मतदान गर्नै पर्छ। यदि तपाईंले मतदान नगर्ने उचित कारण बिना मतदान गर्नुभएन भने तपाईंलाई $ ५५ जरिवाना लाग्न सक्छ।
मतदान कहिले गर्ने
अर्को साउथ अष्ट्रेलियाली राज्य निर्वाचन शनिबार हुनेछ। मतदान त्यस दिन ०८:०० र १८:०० बीच खुल्ला हुनेछ।
अर्को साउथ अष्ट्रेलियाली राज्य चुनाव २१ मार्च २०२६ मा हुने तय भएको छ।
चुनावको दिन धेरैले मतदान गर्नेछन्। यदि तपाईं चुनावको दिनमा मतदान गर्न सक्नुहुन्न भने, तपाईं तल सूचीबद्ध गरिएका अन्य विकल्पहरू प्रयोग गरेर व्यक्तिगत रूपमा वा मेल ( हुलाकद्वारा गरिने मतदान) मार्फत मतदान गर्न सक्नुहुन्छ।
मतदान कहाँ गर्ने
मतदान केन्द्र वा प्रारम्भिक मतदान केन्द्रमा के हुन्छ ?
मतदान केन्द्र वा प्रारम्भिक मतदान केन्द्र बाहिर, तपाईंले उम्मेदवारहरू र/वा स्वयंसेवकहरूले उम्मेदवारहरूलाई मद्दत गरेको देख्न सक्नुहुन्छ। उनीहरूले तपाईंलाई 'कसरी-मतदान-गर्ने’ (‘how-to-vote') कार्ड भनिने कागज प्रदान गर्न सक्छन्।
यदि तपाईं चाहनुहुन्न भने तपाईंले कसरी-मतदान-गर्ने कार्ड लिन वा पालना गर्न आवश्यक छैन। यदि तपाईं उम्मेदवारको नीतिहरूसँग सहमत हुनुहुन्छ भने कसरी मतदान गर्ने भनेर निर्णय गर्न यसले मद्दत गर्न सक्छ। यद्यपि, तपाईंले अझै पनि उम्मेद्वारलाई मतदान गर्न सक्नुहुन्छ र अन्य उम्मेद्वारहरूलाई कसरी-मतदान-गर्ने कार्डले सुझाव दिएको भन्दा फरक क्रममा श्रेणी निर्धारण गर्न सक्नुहुन्छ।
मतदान केन्द्र भित्र, तपाईंले नामहरूको सूचीको साथ टेबलमा साउथ अष्ट्रेलियाली निर्वाचन अधिकारी देख्नु हुनेछ। तपाईंले निर्वाचन अधिकारीसँग चेक-इन गर्न आवश्यक छ। उनीहरूले तपाईंको नाम, तपाईंको ठेगाना, यदि तपाईं पहिले नै चुनावमा मतदान गरिसक्नुभएको छ भन्ने कुरा, र तपाईंको मतदाता पुष्टि गर्न सोध्नेछन्। निर्वाचन अधिकारीले तपाईंलाई दुईवटा मतपत्र दिनेछन् र तपाईंले कहाँ मतदान गर्नुपर्छ भनी देखाउनेछन्।
तपाईंले कार्डबोर्ड (गत्ता) मतदान बुथहरूमा मतदान गर्नुहुनेछ। बुथहरूमा विभाजनहरू गरिएका हुन्छन् त्यसैले तपाईं कसरी मतदान गर्नुहुन्छ भनेर अरू कसैले देख्न सक्दैनन्। बुथहरूमा सिसाकलमहरू हुन्छन् जुन तपाईंले आफ्नो मत चिन्ह लगाउन प्रयोग गर्न सक्नुहुन्छ, तर तपाईंले आफ्नै सिसाकलम वा कलम पनि प्रयोग गर्न सक्नुहुन्छ।
यदि तपाईंलाई चुनावी मतपत्रहरू भर्न मद्दत चाहिन्छ भने, तपाईंले सहयोग गर्ने व्यक्ति वा साथीलाई साथमा लैजान सक्नुहुन्छ। निर्वाचन अधिकारीले पनि तपाईंलाई मद्दत गर्न सक्छन्। यस्ता सहयोगीले तपाईंलाई कसलाई मतदान गर्ने भन्ने कुरा बताउनुहुँदैन र तपाईंको सहमति बिना तपाईंले कसरी मतदान गर्नुभयो भनेर कसैलाई बताउनुहुँदैन।
यदि तपाईं चुनावको दिन विदेश वा अन्तरराज्य हुनुहुन्छ भने के गर्ने?
यदि तपाईं चुनावको दिन यात्रा गर्दै हुनुहुन्छ भने, तपाईं :
यदि तपाईं यात्रा गर्दै हुनुहुन्छ र मतदान गर्न असमर्थ हुनुहुन्छ भने तपाईंले the South Australian Electoral Commission लाई 1300 655 232 मा सम्पर्क गर्न सक्नुहुन्छ वा यो फारम भरेर मतदान नगर्नुको कारण बताउन सक्नुहुन्छ।
यदि तपाईं विदेशमा यात्रा गर्दै हुनुहुन्छ वा विदेशमा बस्दै हुनुहुन्छ भने, तपाईंले साउथ अष्ट्रेलियाली चुनावमा मतदान गर्नुपर्दैन। यदि तपाईं विदेशमा हुनुहुन्छ र तपाईंले AEC लाई यहाँ सूचित गर्नुभयो भने तपाईंले राज्यको चुनावमा स्वतः माफी पाउनुहुनेछ।
