NSW मा, स्थानीय परिषदको चुनाव हरेक चार वर्षमा सेप्टेम्बरको दोस्रो शनिबार आयोजित गरिन्छ। तपाईंको परिषदको बारेमा थप विवरणहरूका लागि कृपया एन.एस.डब्ल्यू. निर्वाचन आयोग (the NSW Electoral Commission) को वेबसाइट हेर्नुहोस्।
तपाईंको स्थानीय परिषद क्षेत्र पत्ता लगाउनुहोस्
तपाईंले आफ्नो ठेगाना प्रविष्ट गरेर आफ्नो स्थानीय सरकारी क्षेत्र यहाँ फेला पार्न सक्नुहुन्छ। यो तपाईंको परिषदको रूपमा देखिनेछ।
तपाईं कसलाई मतदान गर्दै हुनुहुन्छ ?
परिषद सदस्यहरूका चुनावहरू
स्थानीय सरकारमा कसले आफ्नो प्रतिनिधित्व गर्ने भन्नेबारे तपाईंले छनोट गर्ने ठाउँ यही हो।
NSW मा स्थानीय सरकारहरू दुई प्रकारका हुन सक्छन्:
परिषद सदस्यहरूको संख्या विभिन्न स्थानीय सरकारहरू बीच फरक-फरक हुन्छ।
मेयरका चुनावहरू
स्थानीय सरकार प्रमुख यसरी छनोट हुन्छन्।
मेयर दुई फरक तरिकाले निर्वाचित हुन्छन्:
मतदान कसरी गर्ने
तपाईंले मतदान गर्न प्रयोग गर्ने कागज तपाईंको स्थानीय सरकार अनुसार फरक देखिनेछ। तपाईंको स्थानीय सरकारमा राजनीतिक दलद्वारा समूहबद्ध वा समूहबद्ध नभएका उम्मेदवारहरू हुन सक्छन्। कहिलेकाहीँ सामूहिक मतपत्रहरूमा मतदान वर्गहरू हुन्छन्, जुन संघीय र राज्यको चुनावमा रेखा भन्दा माथि मतदान गरे जस्तै हो।
याद राख्नुहोस्
कुनै समूह नभएको मतपत्रमा मतदान गर्न
यहाँ कुनै समूह नभएको मतपत्रको उदाहरण छ:
तपाईंले उम्मेदवारहरूको नामहरूको सूची अनियमित क्रममा देख्नुहुनेछ। यदि उनीहरू कुनै राजनीतिक दलका सदस्य हुन् भने, उनीहरूको नामको तल राजनीतिक दलको नाम देखाइनेछ।
तपाईंको पहिलो प्राथमिकताको उम्मेदवारलाई १ अङ्क दिनुहोस् र त्यसपछि तपाईंको मतपत्रमा व्याख्या गरिएको अनुसार २, ३ र त्यसपछि क्रमशः अङ्क दिनुहोस्। तपाईंले आधा उम्मेदवारहरूलाई अङ्क दिनु पर्नेछ र त्यसपछि तपाईंको इच्छा अनुसार अन्य उम्मेदवारहरूलाई अङ्क दिन सक्नुहुन्छ।
उदाहरणका लागि, यदि चारजना उम्मेदवारहरू छन् भने, तपाईंले कम्तीमा दुईजना उम्मेदवारहरूलाई अङ्क दिनुपर्नेछ।
समूहबद्ध उम्मेदवारहरू (Grouped candidates)
यहाँ समूहहरू र कुनै मतदान वर्गहरू नभएको मतपत्रको उदाहरण छ:
यसले समूह नभएको मतपत्र जस्तै काम गर्छ, तर राजनीतिक दलका सदस्यहरूलाई एक-अर्काको रूपमा एउटै स्तम्भमा राख्न सकिन्छ।
मतदान वर्गहरू भएका समूहबद्ध उम्मेदवारहरू
यहाँ समूहहरू र मतदान वर्गहरू भएको मतपत्रको उदाहरण छ:
तपाईंले आफ्नो कागजलाई बाक्लो रेखाले दुई भागमा विभाजित भएको देख्नुहुनेछ, माथिल्लो भागमा समूह मतदानका वर्गहरू र तलको भागमा उम्मेदवारको रेखा।
तपाईंले रेखा भन्दा माथि वा रेखा भन्दा मुनि मतदान गर्न सक्नुहुन्छ तर दुवैमा गर्न सक्नुहुँदैन।
रेखा भन्दा माथि
मतपत्रमा मोटो रेखाभन्दा माथि रहेको समूह मतदानका वर्गहरूमा एउटा अङ्क ‘१’ लेख्नुहोस्।
यसो गरेर तपाईंले उम्मेदवारहरूको सम्पूर्ण समूहलाई माथिबाट सुरु गरी तल सम्म सूचीबद्ध गरिएको क्रममा मतदान गर्दै हुनुहुन्छ। तपाईंले यति मात्र गर्न आवश्यक छ। यदि तपाईं चाहनुहुन्छ भने तपाईंले अङ्क दिन सक्नुहुन्छ, रेखा माथि अङ्क २ राखेर सुरू गर्नुहोस्।
यदि तपाईंले रेखा माथि मतदान गर्नुहुन्छ भने, रेखा तल कुनै पनि वर्गहरूमा अङ्कहरू नराख्नुहोस्।
रेखा भन्दा मुनि
रेखाभन्दा मुनि मतदान गर्नुहोस् यदि:
मतदान गर्न, तपाईंले मतपत्रमा 'मतदानका लागि निर्देशनहरू' मा सङ्केत गरिएका प्राथमिकताहरूको न्युनतम संख्या राख्नुपर्छ। यो संख्या निर्वाचित हुने संख्याको कम्तीमा आधा हुनेछ ।
उदाहरणका लागि:
यदि तपाईं चाहनुहुन्छ भने तपाईंले थप उम्मेदवारहरूलाई अङ्क दिन जारी राख्न सक्नुहुन्छ।
तपाईंको पहिलो प्राथमिकता तपाईंको रोजाइको उम्मेदवारको छेउको वर्गमा ‘१’ राखेर, तपाईंको दोस्रो प्राथमिकतामा ‘२’, तपाईंको तेस्रो प्राथमिकतामा ‘३’, र यसरी जारी राख्नुहोस्।
यदि तपाईं रेखाभन्दा तल मतदान गर्नुहुन्छ भने, रेखाभन्दा माथि कुनै पनि वर्गमा अङ्क नराख्नुहोस्।
