တက်စ်မေးနီးယားတွင် မဲပေးရမည့်အချိန်နှင့် နေရာ

မိမိ မဲပေးနိုင်ပါသလား။

အောက်ပါတို့နှင့် ကိုက်ညီပါက တက်စ်မေးနီးယား ပြည်နယ်ရွေးကောက်ပွဲတွင် သင် မဲပေးနိုင်သည်-

• အသက် 18 နှစ်နှင့်အထက်ဖြစ်လျှင်
• သြစတြေးလျနိုင်ငံသားဖြစ်လျှင်
• တက်စ်မေးနီးယားတွင် အနည်းဆုံးတစ်လကြာ နေထိုင်ခဲ့လျှင်
• မဲစာရင်းသွင်းထားလျှင်

သင်သည် သတ်မှတ်ရက်မတိုင်မီ မဲစာရင်း မသွင်းထားသော်လည်း ရွေးကောက်ပွဲနေ့တွင် မဲပေးနိုင်ပါသည်။ ချက်ချင်း မဲစာရင်းသွင်း၍ မဲပေးနိုင်ရန် မဲရုံတစ်ခုသို့ သွားပါ။ သင့်အမည်နှင့် လိပ်စာပါဝင်သည့် သင်၏ ယာဉ်မောင်းလိုင်စင်၊ သင်မောင်းလိုင်စင်၊ သြစတြေးလျ နိုင်ငံကူးလက်မှတ်၊ သို့မဟုတ် မကြာသေးမီက မီတာခစာရွက် သို့မဟုတ် ကောင်စီအခွန်တောင်းခံလွှာကဲ့သို့ သင်၏အထောက်အထားကို ယူဆောင်လာပါ။ တက်စ်မေးနီးယား ရွေးကောက်ပွဲကော်မရှင် (the Tasmanian Electoral Commission)  ဝန်ထမ်းအား သင် မဲစာရင်း မသွင်းရသေးကြောင်း အကြောင်းကြားပါက ၎င်းတို့က သင့်အား ကူညီနိုင်ပါသည်။

မိမိ မဲပေးရမလား။

ဟုတ်ပါသည်၊ အထက်ဖော်ပြထားပါ သတ်မှတ်ချက်များနှင့် ကိုက်ညီပါက မဲပေးရပါမည်။ မဲမပေးနိုင်ခြင်းအတွက် အကြောင်းပြချက်ကောင်းမရှိဘဲ မဲမပေးပါက သင် ဒဏ်ငွေ ပေးဆောင်ရနိုင်သည်။

မဲပေးရမည့် အချိန်

လာမည့် တက်စ်မေးနီးယားပြည်နယ် ရွေးကောက်ပွဲကို 2028 ခုနှစ်၊ ဇွန်လ 3 ရက်နေ့မတိုင်မီ ကျင်းပမည်ဖြစ်သည်။ ထိုနေ့တွင် 08:00 နာရီမှ 18:00 နာရီအတွင်း မဲပေးနိုင်ပါသည်။

လူအများအပြား ရွေးကောက်ပွဲနေ့တွင် မဲပေးပါမည်။ သင်သည် ရွေးကောက်ပွဲနေ့တွင် မဲမပေးနိုင်ပါက အောက်ဖော်ပြပါ အခြားနည်းများထဲမှ ကိုယ်တိုင် သို့မဟုတ် စာဖြင့် (စာတိုက်မဲ) ကြိုတင်မဲ ပေးနိုင်ပါသည်။

မဲပေးရမည့် နေရာ 

• မဲရုံရှိမည့်နေရာများကို Tasmanian Electoral Commission သို့ ဤနေရာမှဖြစ်စေ သို့မဟုတ် 1800 801 701 မှတဆင့် ဖုန်းခေါ်၍ဖြစ်စေ သိရှိနိုင်ပါသည်။
• ရွေးကောက်ပွဲနေ့မတိုင်မီ - ကြိုတင်မဲပေးရုံ၊ ဖုန်းဖြင့် သို့မဟုတ် စာတိုက်မှတစ်ဆင့် မဲပေးခြင်း။ ကြိုတင်မဲပေးရမည့် နေ့ရက်များကို ရွေးကောက်ပွဲ နီးကပ်လာသည့် အချိန်တွင် ထုတ်ပြန်ကြေညာသွားပါမည်။
• ဖုန်းဖြင့် မဲပေးခြင်း – မဲပေးသည့်ကာလအတွင်း ပြည်နယ်ခြား သို့မဟုတ် ပြည်ပသို့ ရောက်ရှိနေပြီး ကြိုတင်မဲပေးရုံတွင် မဲမပေးနိုင်ခဲ့ပါက တယ်လီဖုန်းဖြင့် မဲပေးနိုင်ပါသည်။ ရွေးကောက်ပွဲ ပိုမိုနီးကပ်လာသောအခါ အသေးစိတ်ထုတ်ပြန်ချက်အတွက် Tasmanian Electoral Commission တွင် ဝင်ကြည့်ပါ။
• အမြင်အာရုံချို့ယွင်းသူနှင့် အကူအညီလိုသူများ မဲပေးခြင်း – မျက်စိမမြင်သူ သို့မဟုတ် အမြင်အာရုံ ချိုတဲ့သူများအတွက် အသံ၊ အမြင်နှင့် ပုံနှိပ်ခြင်းစွမ်းရည်ကိုမြှင့်တင်ရန် အထူးစီစဉ် ပြုလုပ်ထားသောစနစ်များ ရှိသည်။ ထိုအကြောင်း ပိုမိုသိရှိလိုပါက ဤနေရာတွင် ရှာဖွေနိုင်သည်။

မဲရုံ သို့မဟုတ် ကြိုတင်ပေးမဲရုံတွင် ဘာတွေ့ရမလဲ။

မဲရုံနှင့်/သို့မဟုတ် ကြိုတင်ပေးမဲရုံအပြင်တွင် ကိုယ်စားလှယ်လောင်းများနှင့်/သို့မဟုတ် ကိုယ်စားလှယ်လောင်းများကို ကူညီနေသော စေတနာ့ဝန်ထမ်းများကို တွေ့နိုင်ပါသည်။ ထိုသူများက 'မဲပေးနည်း’ (how-to-vote) စာရွက်ကို သင့်အား ပေးနိုင်ပါသည်။

သင်မလိုချင်ပါက မဲပေးနည်းစာရွက်ယူရန် သို့မဟုတ် လိုက်နာရန် မလိုပါ။  ထိုကိုယ်စားလှယ်လောင်း၏ မူဝါဒများကို နှစ်သက်ပါက၊ ထိုစာရွက်သည် မဲပေးနိုင်ရန် သင့်အား ကူညီနိုင်သည်။ သို့သော်လည်း ထိုမဲပေးနည်းစာရွက်နှင့် မတူဘဲ သင်သည် ထိုကိုယ်စားလှယ်လောင်းကို မဲပေးနိုင်ပြီး အခြားကိုယ်စားလှယ်လောင်းများအား အဆင့် သတ်မှတ်နိုင်သည်။

အတွင်း စားပွဲတစ်ခုတွင် တက်စ်မေးနီးယား ရွေးကောက်ပွဲ ဝန်ထမ်းတစ်ဦးကို အမည်စာရင်းနှင့်အတူ တွေ့ရပါမည်။ ထိုရွေးကောက်ပွဲဝန်ထမ်းထံ အကြောင်းကြားရပါမည်။ ၎င်းတို့သည် သင်၏ အမည်၊ လိပ်စာ၊ ဤရွေးကောက်ပွဲတွင် မဲပေးပြီးမပြီးနှင့် သင်၏ မဲဆန္ဒနယ်မြေကို အတည်ပြုရန် မေးမြန်းပါမည်။ ရွေးကောက်ပွဲဝန်ထမ်းသည် သင့်ကို မဲစာရွက်နှစ်ရွက်ပေးပြီး မဲပေးရမည့်နေရာကို ညွှန်ပြပါမည်။

ကတ်ထူကာမဲပေးနေရာတွင် သင် မဲပေးရပါမည်။ မဲပေးနေရာများတွင် အကာအရံများ ရှိသောကြောင့် သင်မဲပေးပုံကို အခြားသူများ မြင်နိုင်မည်မဟုတ်ပါ။ မဲပေးနေရာများတွင် သင့်မဲကို ရေးမှတ်ရန် အသုံးပြုနိုင်သည့် ခဲတံများရှိပြီး သင့်ကိုယ်ပိုင် ခဲတံ သို့မဟုတ် ဘောပင်ကိုလည်း အသုံးပြုနိုင်ပါသည်။

ရွေးကောက်ပွဲမဲစာရွက်များ ဖြည့်စွက်ရာတွင် အကူအညီလိုအပ်ပါက ကူညီသူ သို့မဟုတ် မိတ်ဆွေတစ်ဦးကို ခေါ်နိုင်ပါသည်။ ရွေးကောက်ပွဲအရာရှိကလည်း သင့်ကို ကူညီပေးနိုင်ပါသည်။ ထိုကူညီသူသည် မဲပေးရမည့်သူကို မပြောသင့်သည့်အပြင် သင်၏ ခွင့်ပြုချက်မပါဘဲ သင် မဲပေးပုံကို မည်သူ့ကိုမျှ မပြောသင့်ပါ။

သင်သည် ရွေးကောက်ပွဲနေ့တွင် ပြည်ပ သို့မဟုတ် အခြားပြည်နယ်တွင် ရောက်ရှိမည်ဆိုပါက ဘာဖြစ်မလဲ။

အကယ်၍ သင်သည် ရွေးကောက်ပွဲနေ့အတွင်း (ဩစတြေးလျနိုင်ငံအတွင်း သို့မဟုတ် ပြည်ပ) ခရီးသွားမည်ဆိုလျှင် အောက်ပါတို့ကို လုပ်နိုင်သည်- 

• ကြိုတင်မဲရုံတစ်ခုတွင် မဲပေးခြင်း
• တယ်လီဖုန်းဖြင့် မဲပေးခြင်း။ သင့်မဲပေးပုံ သိပြီးသည်နှင့် the TEC သို့ +61 3 6208 8700 မှတဆင့် ဖုန်းခေါ်ပြီး “ပြည်နယ်ခြား သို့မဟုတ် ပြည်ပမဲဆန္ဒရှင်” ကို ရွေးချယ်ပါ။ သင်နှင့်အတူ ဘောပင်နှင့် စက္ကူများ လိုအပ်ပါမည်။ ဖုန်းမဲပေးသင်္ကေတတစ်ခု ရရှိမည်ဖြစ်ပြီး အခြားအဖွဲ့က ဖုန်းမဲပေးသင်္ကေတ မေးမြန်းတောင်းကာ မဲစာရွက်ပေါ်တွင် သင်ကြိုက်နှစ်သက်ရာများကို ဖြည့်စွက်၍ မဲပုံးထဲ ထည့်ပေးပါမည်။

ပိုမိုသိရှိလိုပါက Tasmanian Electoral Commission သို့  1800 801 701 မှတဆင့် ဖုန်းခေါ်နိုင်ပါသည် သို့မဟုတ် ၎င်းတို့၏ ဝဘ်ဆိုက်တွင် စစ်ဆေးနိုင်ပါသည်။