တောင်ဩစတြေးလျ ပြည်နယ်ရွေးကောက်ပွဲတွင် မဲပေးပုံ

သင့်အား မဲလက်မှတ်နှစ်စောင် ပေးပါမည်-

• မဲစာရွက်အသေးသည် ပြည်သူ့လွှတ်တော် (အောက်လွှတ်တော်) အတွက်ဖြစ်သည်
• မဲစာရွက်အကြီးသည် ဥပဒေပြုကောင်စီ (အထက်လွှတ်တော်) အတွက်ဖြစ်သည်

ပြည်သူ့လွှတ်တော်

သင်နေထိုင်ရာနေရာရှိ မဲဆန္ဒနယ်မြေကိုယ်စားပြု လွှတ်တော်ကိုယ်စားလှယ်အဖွဲ့ဝင်ကို မဲပေးရမည်။ တောင်ဩစတြေးလျရှိ 47 ဦးအနက်မှ တစ်ဦးဖြစ်သည်။

ရွေးကောက်ပွဲများကို နှစ်သက်ရာ ဦးစားပေးမဲပေးခြင်းနည်းလမ်းဖြင့် ဆုံးဖြတ်သည်။ မဲဆန္ဒရှင်များသည် ကိုယ်စားလှယ်လောင်းများအနက် ၎င်းတို့အနှစ်သက်ဆုံး (ပထမဆုံးရွေးချယ်မှု)မှ ၎င်းတို့ မနှစ်သက်ဆုံးသို့ အဆင့်များ ပေးရပါမည်။ ရွေးကောက်တင်မြှောက်ခံရရန်အတွက် အခြားကိုယ်စားလှယ်လောင်းများအားလုံး ဖယ်ထုတ်ခံရပြီးနောက် ကိုယ်စားလှယ်လောင်းတစ်ဦးကို မဲဆန္ဒရှင်အများစုက ဦးစားပေးအဖြစ် ရွေးချယ်ရပါမည်။

နှစ်သက်ရာ ဦးစားပေးမဲပေးခြင်းနည်းဆိုသည်မှာ သင်သည် သင်၏ ပထမဦးစားပေးအဖြစ် လူကြိုက်နည်းသော ကိုယ်စားလှယ်လောင်း သို့မဟုတ် ပါတီငယ်တစ်ခုကို မဲပေးထားပြီး၊ ၎င်းတို့အနိုင်မရစေကာမူ သင့်မဲသည် သင်ရွေးချယ်သည့် ကိုယ်စားလှယ်ကို ရွေးချယ်ရာတွင်လည်း ထည့်သွင်းရေတွက်သွားပါမည်။

အောက်လွှတ်တော်မဲစာရွက်ပေါ်တွင် မှန်ကန်စွာ မဲပေးရန်အတွက် အကွက်တိုင်းကို မိမိနှစ်သက်ရာ အစီအစဉ်အတိုင်း နံပါတ်တပ်ရန် လိုအပ်ပါသည်-

1. သင်၏ ပထမဆုံး ရွေးချယ်သည့် ကိုယ်စားလှယ်လောင်းဘေးရှိ အကွက်တွင် နံပါတ် 1 ဟု ရေးပါ။
2. သင်၏ ဒုတိယရွေးချယ်သောကိုယ်စားလှယ်လောင်း ၏ ဘေးရှိအကွက်တွင် နံပါတ် 2 ကိုရေးပါ။
3. နံပါတ် 3 ၊ 4 ၊ 5 စသည့်နံပါတ်များကို အကွက်တိုင်းတွင် နံပါတ်တစ်ခုရှိနေစေရန် ဆက်လက် ထည့်သွင်းရပါမည်။

ဥပဒေပြုကောင်စီ

ရွေးကောက်ခြင်းကို အချိုးကျကိုယ်စားပြုမှုနည်းဖြင့် ဆုံးဖြတ်ပါသည်။ တောင်သြစတြေးလျပြည်နယ်တစ်ခုလုံးမှ အဖွဲ့ဝင် 22 ဦးကို မဲပေးရမည် ဖြစ်သည်။

ရွေးချယ်ခံရရန်  ကိုယ်စားလှယ်လောင်းတစ်ဦးသည် ခွဲတမ်းဟု ခေါ်သော မဲ အချိုးပမာဏတစ်ခုကို ရရှိရပါမည်။

ကိုယ်စားလှယ်လောင်းတစ်ဦးသည် ခွဲတမ်းတစ်ခု သို့မဟုတ် ထိုထက်ပိုရပါက ရွေးကောက်ခံရပါမည်။ အကယ်၍ ၎င်းတို့သည် ပထမ ဦးစားပေးမဲတစ်ခုတည်းဖြင့် ဤခွဲတမ်းကို မရပါက ၎င်းတို့သည် ပထမဦးစားပေးမဲနည်းသော‌ကြောင့် အရွေးမခံရသော ကိုယ်စားလှယ်လောင်းများထံမှ ဖြန့်ဝေဦးစားပေးမဲများမှ ခွဲတမ်း ရရှိနိုင်ပါသည်။ ဤနည်းအားဖြင့် လစ်လပ်နေသော ကိုယ်စားလှယ်များအားလုံး ပြည့်သွားသည်အထိ ဆက်လက်လုပ်ဆောင်သွားမည် ဖြစ်ပါသည်။

သင်သည် မျဉ်းအထက် သို့မဟုတ် မျဉ်းအောက်တွင် မဲပေးနိုင်သည်၊ သို့သော် နှစ်နည်းစလုံး မဲပေး၍ မရပါ။

• မျဉ်းအထက်တွင် မဲပေးလိုပါက-
  • သင် ကြိုက်နှစ်သက်သောအဖွဲ့ သို့မဟုတ် ပါတီဘေးရှိ အကွက်ထဲတွင် နံပါတ် 1 ကိုရေးပါ။
  • သင် ရွေးချယ်လိုပါက ဒုတိယရွေးချယ်လိုသော ကိုယ်စားလှယ်လောင်းအဖွဲ့ ဘေးရှိအကွက်တွင် နံပါတ် 2 ကိုရေးပါ၊ ဤနည်းဖြင့် သင် နောက်ထပ်ရွေးချယ်လိုသော ပါတီ သို့မဟုတ် ကိုယ်စားလှယ်လောင်းအဖွဲ့များအတွက် ဆက်လက် ရေးပါ။ အားလုံးကို နံပါတ်တပ်ရန် မလိုအပ်ပါ။
  • သင်သည် နံပါတ် 1 ကိုရွေးချယ်ပြီး မဲစာရွက်ရှိ ကျန်အကွက်များကို အလွတ်ထားနိုင်သည်။
  • မျဉ်းအောက်တွင် မည်သည့် ကိန်းဂဏန်းကိုမျှ မရေးပါနှင့်။
  • သင်သည် ဤနည်းလမ်းဖြင့် မဲပေးရန်ရွေးချယ်ပါက သင်ရွေးချယ်ထားသော အုပ်စုအတွင်းရှိ ကိုယ်စားလှယ်လောင်းများထံသို့ သင့်မဲ ရောက်ရှိသွားပါမည်။

• မျဉ်းအောက်တွင် မဲပေးလိုပါက -
  • သင်၏ ပထမဆုံး ရွေးချယ်သည့် ကိုယ်စားလှယ်လောင်းဘေးရှိ အကွက်တွင် နံပါတ် 1 ဟု ရေးပါ။
  • သင်၏ ဒုတိယ ရွေးချယ်လိုသောကိုယ်စားလှယ်လောင်း ဘေးရှိ အကွက်တွင် နံပါတ် 2 ကိုရေးပါ။
  • နံပါတ် 3 ၊ 4 ၊ 5 စသည့်နံပါတ်များကို အနည်းဆုံး အကွက် 12 ခုတွင် နံပါတ်တစ်ခု ပါအောင် ဆက်လက်ရေးပါ။
  • ကိုယ်စားလှယ်လောင်း 12 ဦးထက်ပို၍ ရွေးချယ်နိုင်သော်လည်း သင်၏ မဲကို 12 ဦးအထိသာ ရေတွက်ပါမည်။
  • မျဉ်းအထက်တွင် မည်သည့် ကိန်းဂဏန်းကိုမျှ မရေးပါနှင့်။
  • ဤနည်းလမ်းဖြင့် မဲပေးရန် ရွေးချယ်ပါက သင် ရွေးချယ်လိုသော ကိုယ်စားလှယ်လောင်းများကို အစီအစဉ်အတိုင်း တိုက်ရိုက် ရွေးချယ်နိုင်ပါမည်။

ပယ်မဲ

မှန်ကန်စွာ မဖြည့်စွက်ထားသော မဲစာရွက်ကို ပယ်မဲဟု ခေါ်သည်။ ရွေးကောက်ပွဲ အဖြေထွက်ရန် ပယ်မဲများကို မရေတွက်ပါ။ တစ်စုံတစ်ယောက်သည် အောက်ပါတို့အား ပြုလုပ်ပါက ဆန္ဒမဲလက်မှတ်ကို ပယ်မဲဟု သတ်မှတ်ပါသည်-

• အကွက်ထဲတွင် အမှန်၊ ကြက်ခြေခတ်နှင့် အခြားအမှတ်များ ထည့်ခြင်း။
• လိုအပ်သောအကွက်များကို နံပါတ်မတပ်ခြင်း
• ဂဏန်းများ ပျောက်နေခြင်း သို့မဟုတ် ထပ်နေခြင်း
• မဲစာရွက်ကို မဖြည့်ခြင်း။

အမှားလုပ်မိခြင်း

မဲစာရွက်ပေါ်တွင် အမှားလုပ်မိပါက ပြဿနာ မရှိပါ။ ၎င်းကို ကြက်ခြေခတ်ခြစ်ပြီး ၎င်းဘေးတွင် မှန်ကန်သော နံပါတ် တပ်ပါ။

အကယ်၍ သင်က the South Australian Electoral Commission သည် သင်၏ ပြင်ဆင်ချက်များကို နားမလည်နိုင်မည်ကို စိုးရိမ်ပါက သင့်မဲစာရွက်ကို ရွေးကောက်ပွဲဝန်ထမ်းထံ ပြန်ပေးပြီး အသစ်တစ်ရွက် တောင်းနိုင်ပါသည်။

သင့်ကြောင့် မဲစာရွက် ပျက်စီးသွားပါက သို့မဟုတ် စုတ်ပြဲသွားပါက ၎င်းကို ရွေးကောက်ပွဲဝန်ထမ်းထံ ပြန်ပေးပြီး အသစ်တစ်ရွက် တောင်းနိုင်ပါသည်။

မဲစာရွက်ဖြည့်ရန်လည်း အကူအညီတောင်းနိုင်ပါသည်။

သင့်မဲသည် သင်၏ ရွေးချယ်မှုသာ ဖြစ်သည်

မည်သူ့ကို မဲပေးမည်ကို သင်ကသာ ဆုံးဖြတ်နိုင်သည်ကို သိရှိရန် အရေးကြီးသည်။ အခြားသူများက မည်သူ့ကို မဲပေးရမည်ဟု အကြံပြုနိုင်သော်လည်း ၎င်းတို့ ဖြစ်စေလိုသည့်အတိုင်း မဲပေးရန် သင့်ကို အတင်းအကျပ် ဖိအားမပေးနိုင်ပါ။ မဲပေးခြင်းမပြုမီ သင်၏ အမည်ကို မဲစာရင်းဖြင့် တိုက်၍ စစ်ဆေးမည်ဖြစ်သော်လည်း သင်၏ မဲကို စာရင်းသွင်းပြီးနောက် သင်၏ မဲသည် အမည်မသိ ဖြစ်ပြီး လျှို့ဝှက်ထားမည်ဖြစ်သည်။

သင် မဲပေးခဲ့သည့်သူကို အခြားသူများကို ပြောပြခြင်းသည် သင်၏ ရွေးချယ်ချက် ဖြစ်သည်။ ၎င်းတို့ကို ပြောပြရန် မည်သူမှ သင့်ကို ဖိအားမပေးနိုင်ပါ၊ အစိုးရအရာရှိများပင် ဖိအားမပေးနိုင်ပါ။ သင် မလုံခြုံဟု သို့မဟုတ် ဖိအားပေးခံရသည်ဟု ခံစားရပါက သင် မဲပေးခဲ့သူကို အမှန်မပြောခြင်းသည် ဥပဒေကို မချိုးဖောက်ပါ၊ သင့်ဆန္ဒမဲကို လျှို့ဝှက်ထားခြင်းကြောင့် မည်သူမှ သိနိုင်မည်မဟုတ်ပါ။