နယူးဆောက်ဝေးလ်

NSW တွင် ဒေသန္တရအစိုးရရွေးကောက်ပွဲကို လေးနှစ်တစ်ကြိမ် စက်တင်ဘာ ဒုတိယအပတ် စနေနေ့တွင် ကျင်းပသည်။ သင်၏ ကောင်စီနှင့်ပတ်သက်သည့် အသေးစိတ်အချက်အလက်များအတွက်  NSW ရွေးကောက်ပွဲကော်မရှင် (the NSW Electoral Commission) ဝက်ဘ်ဆိုက် တွင် ဝင်ရောက်ကြည့်ရှုပါ။

သင်၏ ဒေသန္တရကောင်စီဧရိယာကို ရှာပါ

သင်၏ လိပ်စာကို ဤနေရာတွင် ရိုက်ထည့်ခြင်းဖြင့် သင်၏ ဒေသန္တရအစိုးရနယ်မြေကို ရှာဖွေနိုင်ပါသည်။ ၎င်းက သင့်ကောင်စီအဖြစ် ပြသပါမည်။

သင်မည်သူ့ကို မဲပေးမည်နည်း။

ကောင်စီဝင်ရွေးကောက်ပွဲများ

ဤရွေးကောက်ပွဲသည် ဒေသန္တရအစိုးရတွင် သင့်အား ကိုယ်စားပြုမည့်သူကို ရွေးချယ်သည့်နေရာ ဖြစ်သည်။

NSW ရှိ ဒေသန္တရအစိုးရများသည် အမျိုးအစားနှစ်မျိုး ဖြစ်နိုင်သည်-

• မခွဲခြားထားသော (Undivided) - ကောင်စီဝင်များအားလုံးကို ထိုဒေသရှိ မဲဆန္ဒရှင်များမှ ရွေးချယ်တင်မြှောက်သည့်နေရာ
• ခွဲခြားထားသော (Divided) - ကောင်စီကို ရပ်ကွက်များဟုခေါ်သော ဒေသငယ်များအဖြစ် ခွဲခြားထားရာ ရပ်ကွက်တစ်ခုစီအတွက် ကောင်စီဝင်အရေအတွက် တူညီစွာ ရွေးချယ်ထားပါသည်။

ဒေသန္တရအစိုးရပေါ် မူတည်၍ ကောင်စီဝင် အရေအတွက် ကွာခြားနိုင်သည်။

မြို့တော်ဝန်ရွေးကောက်ပွဲများ

ဤသည်မှာ ဒေသန္တရအစိုးရ ခေါင်းဆောင် ရွေးချယ်ပုံဖြစ်သည်။

မြို့တော်ဝန်ကို အောက်ပါအတိုင်း နည်းလမ်းနှစ်မျိုးဖြင့် ရွေးကောက်တင်မြှောက်သည်-

• လေးနှစ်သက်တမ်းအတွက် ရွေးကောက်တင်မြှောက်ထားသော ကောင်စီဝင်များအပြင် မြို့တော်ဝန်များကိုပါ မဲဆန္ဒရှင်များက တိုက်ရိုက်ရွေးချယ်ခြင်း ဖြစ်သည်။
• ဒေသန္တရာအစိုးရ ရွေးကောက်ပွဲများပြီးနောက် နှစ်နှစ်သက်တမ်းအတွက် မြို့တော်ဝန်များကို ကောင်စီဝင်များမှ ရွေးချယ်ခြင်း ဖြစ်သည်။

မဲပေးပုံ

မဲပေးရန်အသုံးပြုသော မဲစာရွက်သည် ဒေသန္တရအစိုးရအပေါ် မူတည်၍ ကွဲပြားခြားနားပါမည်။ သင်၏ ဒေသန္တရအစိုးရတွင် နိုင်ငံရေးပါတီများမှအုပ်စုဖွဲ့ထားသော သို့မဟုတ်  အုပ်စုမဖွဲ့ထားသော ကိုယ်စားလှယ်လောင်းများ ရှိနိုင်သည်။ တစ်ခါတစ်ရံ အုပ်စုလိုက် မဲစာရွက်များတွင် မဲပေးရန်လေးထောင့်ကွက်များရှိပြီး ၎င်းက ဖက်ဒရယ်နှင့် ပြည်နယ်ရွေးကောက်ပွဲများရှိ မျဉ်းအထက်အပေါ် မဲပေးခြင်းနှင့်တူသည်။

မှတ်ထားရန်

• အမှားလုပ်မိလျှင်လည်း ဘာမှမဖြစ်ပါ။ ရွေးကောက်ပွဲအရာရှိထံ မဲစာရွက်အသစ်တစ်ရွက် တောင်းရန်သာဖြစ်သည်။
• သင်၏မဲသည် ထည့်ပြီးသည်နှင့် အမည်မသိ လျှို့ဝှက်ထားမည်ဖြစ်သည်။ သင်မည်သို့ မဲပေးခဲ့သည် သို့မဟုတ် မဲမပေးခဲ့သည်ကို လူအများအား ပြောပြရန်မှာ သင့်သဘော ဖြစ်ပါသည်။

အုပ်စုများမပါရှိသောမဲစာရွက်များတွင် မဲပေးခြင်း

ဤတွင် အုပ်စုများမရှိသော မဲစာရင်းဥပမာ ဖြစ်ပါသည် -

ကိုယ်စားလှယ်လောင်းအမည်စာရင်းကို အလျဉ်းသင့်သလို စီစဉ်ထားသည်ကို သင်တွေ့ရမည်။ အကယ်၍ ၎င်းတို့သည် နိုင်ငံရေးပါတီတစ်ခု၏ အဖွဲ့ဝင်ဖြစ်ပါက ၎င်းတို့၏ နိုင်ငံရေးပါတီကို ၎င်းတို့၏ အမည်အောက်တွင်ပြသပါမည်။

သင်၏ ပထမဦးစားပေး ကိုယ်စားလှယ်လောင်းအတွက် 1 ဟုထည့်ပြီး သင်၏ မဲပေးစာရွက်ပေါ်တွင် ရှင်းပြထားသည့်အတိုင်း နံပါတ် 2 ၊ 3 နှင့် စသင်ဖြင့် နံပါတ်ဆက်တပ်ပါ။ သင်သည် ကိုယ်စားလှယ်လောင်းတစ်ဝက်ကို နံပါတ်တပ်ရမည်ဖြစ်ပြီး၊ ကျန်ကိုယ်စားလှယ်များကို ဆက်လက်နံပါတ်တပ်လိုက တတ်နိုင်ပါသည်။

ဥပမာအားဖြင့် ကိုယ်စားလှယ်လောင်း လေးယောက်ရှိလျှင် အနည်းဆုံး ကိုယ်စားလှယ်လောင်းနှစ်ယောက်ကို နံပါတ်တပ်ရမည်။

အုပ်စုဖွဲ့ထားသော ကိုယ်စားလှယ်လောင်းများ (Grouped candidates)

ဤတွင် အုပ်စုများနှင့် မဲအကွက်များမပါဝင်သော မဲစာရွက်ဥပမာ ဖြစ်ပါသည်။

ဤသည်မှာ အုပ်စုများမပါရှိသည့် မဲစာရွက်နှင့် တူညီသော်လည်း နိုင်ငံရေးပါတီဝင်များကို အချင်းချင်း တန်းတူနေရာချထားနိုင်သည်။

မဲအကွက်များနှင့်အတူ အဖွဲ့ကိုယ်စားလှယ်လောင်းများ

ဤတွင် အုပ်စုများနှင့် မဲအကွက်များနှင့်အတူ မဲစာရင်းဥပမာ ဖြစ်ပါသည်-

သင်၏ စာရွက်ကို မျဉ်းအထက် အုပ်စုမဲအကွက်များပါရှိသည့် ထူထဲသောမျဉ်းနှင့် ၎င်းအောက်ရှိ ကိုယ်စားလှယ်လောင်းမျဉ်းဖြင့် နှစ်ပိုင်းခွဲထားသည်ကို တွေ့ပါမည်။

သင်သည် မျဉ်းအထက် သို့မဟုတ် မျဉ်းအောက်တွင် မဲပေးနိုင်ပြီး နှစ်ခုစလုံးကို မဲမပေးရပါ။

မျဉ်းအထက်

မဲစာရွက်ပေါ်ရှိ ထူထဲသောမျဉ်းအထက် အုပ်စုမဲပေးအကွက်များမှ တစ်ခုတွင် နံပါတ် ‘1’ ထည့်ပါ။

ဤသို့လုပ်ခြင်းအားဖြင့် သင်သည် ထိပ်ဆုံးမှစ၍ ထိုအကွက်အောက်တွင် ဖော်ပြထားသော အစီအစဉ်အလိုက် ပါဝင်သော ကိုယ်စားလှယ်လောင်းအုပ်စုတစ်ခုလုံးကို အလိုအလျောက်မဲပေးသည်။

သင် ဤသည်ကိုသာ လုပ်ရန်လိုပါသည်။ သင် ဆန္ဒရှိပါက မျဉ်းအထက်တွင် နံပါတ် 2 စ၍ထည့်ခြင်းဖြင့် နံပါတ်ဆက်တပ်နိုင်သည်။

မျဉ်းအထက်တွင် သင်မဲပေးလျှင် မျဉ်းအောက်ရှိ အကွက်တစ်ခုခုတွင် နံပါတ်မထည့်ပါနှင့်။

မျဉ်းအောက်တွင်အကယ်၍ အောက်ပါတို့ဖြစ်လျှင် မျဉ်းကြောင်းအောက်တွင် မဲပေးပါ-

• အုပ်စုတစ်စုအတွင်းရှိ ကိုယ်စားလှယ်လောင်းများကို သင့်ရွေးချယ်မှုအစီအစဉ်အတိုင်း မဲပေးလိုပါက
• အုပ်စုအမျိုးမျိုးမှ ကိုယ်စားလှယ်လောင်းများကို သင့်ရွေးချယ်မှုအစီအစဉ်အတိုင်း မဲပေးလိုပါက
• အုပ်စုဖွဲ့မထားသော ကိုယ်စားလှယ်လောင်းများအတွက် သင့်ရွေးချယ်မှုအစီအစဉ်အတိုင်း မဲပေးလိုပါက
• အုပ်စုနှင့် အုပ်စုမဖွဲ့ထားသော ကိုယ်စားလှယ်လောင်း အရေအတွက် မဲပေးလိုပါက

မဲပေးရန်အတွက် မဲစာရွက်ပေါ်ရှိ 'မဲပေးရန် ညွှန်ကြားချက်များ‘ တွင် ဖော်ပြထားသော အနည်းဆုံး ဦးစားပေးအရေအတွက်ကို နံပါတ်တပ်ရမည်။ ဤသည်မှာ အနည်းဆုံး ရွေးကောက်တင်မြှောက်ခံရမည့် အရေအတွက်၏ ထက်ဝက်ဖြစ်ပါမည်။

ဥပမာ -

• ရွေးကောက်တင်မြှောက်ခံရသူ သုံးဦးရှိပါက အနည်းဆုံး ကိုယ်စားလှယ်လောင်းနှစ်ဦးကို မဲပေးရမည်။
• ရွေးကောက်တင်မြှောက်ခံရသူ ကိုးဦးရှိပါက အနည်းဆုံး ကိုယ်စားလှယ်လောင်း ငါးဦးကို မဲပေးရမည်။

ထို့နောက် သင်ဆန္ဒရှိပါက နောက်ထပ် ကိုယ်စားလှယ်လောင်းများကို ဆက်လက်၍ ဖြည့်စွက်နိုင်ပါသည်။

သင်၏ ပထမ ဦးစားပေးမှုကို သင်ရွေးချယ်သည့် ကိုယ်စားလှယ်လောင်းဘေးရှိ အကွက်တွင် ‘1’ ၊ ဒုတိယ ဦးစားပေးသည် ‘2’ ၊ တတိယ ဦးစားပေးသည် ‘3’ စသည်ဖြင့် ဖော်ပြရမည်။

သင်သည် မျဉ်းအောက်တွင် မဲပေးပါက မျဉ်းအထက်ရှိ မည်သည့်အကွက်တွင်မှ နံပါတ်မတပ်ပါနှင့်။